Kiprik ektirish: go‘zallikmi yoki xavf?

Foydali tomonlari

1. Go‘zal va ta’sirli nigoh: uzun va qalin kipriklar ko‘zlarning o‘lchamini vizual ravishda kattaroq ko‘rsatadi va umumiy qiyofani yorqinlashtiradi. Tabiiy kipriklar kam yoki nozik bo‘lsa, ektenshn yaxshi yechim bo‘ladi.
2. Tush va kosmetikadan ozodlik: kiprik ektirgan ayollar tush (tush) surishga ehtiyoj sezmaydi. Bu vaqt tejash va yuz tozaligi uchun juda qulay.
3. Uzoq muddatli natija: to‘g‘ri parvarish bilan ektirilgan kipriklar 3-4 haftagacha saqlanadi. Bu vaqt mobaynida kundalik makiyajga ehtiyoj kamayadi.
4. Shaxsiylashtirish imkoni: kiprik uzunligi, qalinligi va shakli bo‘yicha istalgancha tanlash mumkin. Tabiiy ko‘rinishdan tortib dramatik uslublargacha – barchasi sizning tanlovingizga bog‘liq.

Salbiy tomonlari va ehtimoliy zararlar

1. Tabiiy kipriklarga zarar: uzoq vaqt davomida kiprik ektirib yurish tabiiy kipriklarni zaiflashtirishi, siyraklashishi yoki tushib ketishiga sabab bo‘lishi mumkin.
2. Allergiya va ko‘z muammolari: qo‘llanadigan kley (maxsus yopishtiruvchi modda) ba’zi hollarda allergik reaksiya, qizarish, qichishish yoki ko‘z yosh chiqishiga olib kelishi mumkin.
3. Mutaxassis tanlovida xato qilish: tajribasiz master tomonidan qilingan ish noto‘g‘ri texnika va infeksiya xavfini keltirib chiqaradi. Gigiyenaga rioya qilinmasa, yaqin vaqtda ko‘z infeksiyalari rivojlanishi mumkin.
4. Moliyaviy xarajatlar: kiprik ektirish arzon xizmat emas. Har 3-4 haftada korreksiya kerak bo‘ladi va bu oylik budjetingizga ta’sir qilishi mumkin.
5. Parvarishdagi cheklovlar: yuzni ko‘p qo‘l bilan ushlash, qattiq yuvish, yog‘li kosmetikadan foydalanish mumkin emas. Bu parvarish talabini oshiradi.

Sun’iy kipriklar qachondan urfga kirdi?

1900 yillar boshida ilk marta sun’iy kipriklar g‘oyasi kinematografiyada paydo bo‘lgan. 1911 yilda kanadalik ayol Anna Teylor sun’iy kipriklar uchun patent olgan. Ular ip bilan qo‘shilgan tabiiy jundan yasalgan. 1930–1950 yillar:

Gollivud yulduzlari — ayniqsa Merilin Monro va Odri Xepbyorn kabi aktrisalar orqali sun’iy kipriklar ommalasha boshladi. 2000-yillar boshi:

Klassik “kiprik ektirish” texnologiyasi Yaponiya va Koreyada shakllanib, keyinchalik butun dunyoga tarqaldi. Bu usulda har bir tabiiy kiprikka alohida sun’iy kiprik qo‘yish texnologiyasi qo‘llanadi. Hozirda bu usul dunyo bo‘ylab millionlab ayollar orasida ommalashgan. O‘zbekistonda oxirgi 5-7 yil ichida tez rivojlandi va ayni paytda deyarli har bir go‘zallik salonida maxsus "lashmaker" (kiprik masterlari) bor.

Qanday kipriklar urfga kiradi?

Biokimyoviy va tabiiy materiallar asosida yaratilgan gipoallergen kipriklar bozorga kirib kelmoqda. Avtomatlashgan yoki robotlashtirilgan ektirish uskunalari sinovdan o‘tmoqda. Kiprik ektirish xizmatlari bilan bog‘liq onlayn kurslar, sertifikatlashtirish tizimlari kengaymoqda. Tabiiy go‘zallikka qaytish tendensiyasi ham parallel ravishda o‘smoqda — bu laminatsiya va parvarishga asoslangan usullarni ommalashtirmoqda.

Kiprik ektirish — go‘zallik va qulaylikni birlashtiruvchi xizmat. U tabiiy kipriklarning ko‘rinishiga yordam bersa-da, to‘g‘ri mutaxassis, gigiyena va parvarish talab etiladi. Agar siz allergiyaga moyil bo‘lsangiz yoki tabiiy kipriklaringiz juda nozik bo‘lsa, avval mutaxassis bilan maslahatlashgan ma’qul.

Go‘zallikka intilish tabiiy. Lekin har qanday o‘zgarishni ongli ravishda amalga oshirish salomatlik uchun eng to‘g‘ri yo‘l hisoblanadi.