Banklardagi muammoli kreditlar miqdori 21,8 trillion so‘mni tashkil etmoqda

Markaziy bank O‘zbekistondagi muammoli kreditlar miqdori bo‘yicha statistik raqamlarni e’lon qildi. 

Joriy yil 1 sentabr holatiga ko‘ra, mamlakatdagi banklarda muammoli kreditlar miqdori 21,8 trillion so‘mni tashkil etgan.  

Qaytarilmayotgan yoki muddati o‘tgan foizli qarzlarning qariyb 14,9 trillion so‘mi davlat banklariga, 6,9 trillion so‘mi esa xususiy banklarga to‘g‘ri keladi.

Eng ko‘p muammoli kreditlar Milliy bankda — 3,1 trillion so‘m.  

Agrobank (2,6 trillion so‘m), O‘zsanoatqurilishbank (2,4 trillion so‘m), Asakabank (1,9 trillion so‘m) kabi davlat banklarida ham qaytarilmayotgan qarzlar ulushi yuqori.

Muammoli kreditlarning jami kreditlardagi eng yuqori ulushi Garant bankda qayd etilgan – 12,9 foiz. 

Ro‘yxatda keltirilgan 36ta bankdan 5tasida muammoli kreditlar mavjud emas.