Rada: Mahalliy hokimiyat urush tugaguniga qadar o‘z joyida qoladi

Ukraina Oliy radasi Rossiya harbiy agressiyasi ostida Ukrainada mahalliy hokimiyat vakillik organlari faoliyatini davom ettirish to‘g‘risidagi qaror loyihasini qabul qildi. Radaning 8 oktyabr, chorshanba kuni Telegramʼda e’lon qilingan xabariga ko‘ra, qaror «qishloq, posyolka, shahar, viloyat kengashlari, shuningdek, qishloq, posyolka va shahar rahbarlariga» taalluqlidir.

Shunday qilib, Ukrainadagi mahalliy hukumat amaldorlari urush tugaganidan keyin saylovlar o‘tkazilgunga qadar o‘z lavozimida qoladi. Boshqa narsalar qatorida, rezolyutsiyada «Rossiya Ukrainada mahalliy saylovlar o‘z vaqtida tashkil etilmagani va o‘tkazilmagani uchun javobgar ekanini ta’kidlash» hamda «xalqaro hamjamiyatni Rossiya bilan urush davrida Ukrainada mahalliy boshqaruvning uzluksizligini tan olishga chaqirish» ko‘zda tutilgan.

Ukraina konstitutsiyasiga ko‘ra, Ukrainada munitsipal saylovlar 26 oktyabrda, ya’ni amaldorlar lavozimga kirishganidan besh yil o‘tib bo‘lib o‘tishi kerak edi. Bu, xususan, 2014 yildan buyon bu lavozimda ishlab kelayotgan Kiyev meri Vitaliy Klichkoga tegishli.

Biroq 2022 yil fevralida Rossiya hujumidan keyin mamlakatda kiritilgan qonunga ko‘ra, saylov o‘tkazish imkonsiz bo‘lib qolgan. Shu sababdan 2023 yil oktyabr oyidagi navbatdagi parlament saylovlari va 2024 yilning mart oyida bo‘lib o‘tadigan prezidentlik saylovlari bekor qilingan.