Makron: “Agar Rossiya muzokaralarni rad etadigan bo‘lsa, badal to‘lashiga to‘g‘ri keladi”

Emmanuel Makronning so‘zlariga ko‘ra, G‘azo sektoridagi nizoni hal qilish borasida erishilgan kelishuv Yaqin Sharqda tinchlik o‘rnatilishiga umid beradi, Ukraina inqiroziga ham chek qo‘yilishi lozim.

Foto: Getty Images

Fransiya prezidenti Emmanuel Makron Ukraina yetakchisi Volodimir Zelenskiy bilan telefon orqali muloqotidan so‘ng Rossiya muzokaralar stoliga o‘tirmaydigan bo‘lsa, buning uchun badal to‘lashiga to‘g‘ri kelishini aytdi.

«Agar Rossiya urishqoqlik ruhida qaysarlik qilsa va muzokaralar stoliga qaytishni rad etadigan bo‘lsa, buning uchun badal to‘lashiga to‘g‘ri keladi», — deb yozdi u X tarmog‘idagi sahifasida.

Uning so‘zlariga ko‘ra, G‘azo sektoridagi nizoni hal qilish borasida erishilgan kelishuv Yaqin Sharqda tinchlik o‘rnatilishiga umid beradi, Ukraina inqiroziga ham chek qo‘yilishi lozim.

Ayni paytda Ukraina-Rossiya nizosini hal qilish masalasida pauza kuzatilmoqda.

Sentyabr oxirlarida Rossiya prezidentining matbuot kotibi Dmitriy Peskov Kiyev Rossiya-Ukraina muzokaralarini tiklash bo‘yicha hech qanday signal bermayotganini aytgandi.

#Rossiya #Emmanuel Makron

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.