Apple yangi M5 chipidagi iPad Pro va MacBook Pro'ni taqdim qildi

Apple kompaniyasi bir vaqtning o‘zida yangi M5 chipidagi uchta qurilmani namoyish etdi: iPad Pro, MacBook Pro va Vision Pro garniturasi. Ularning barchasi sezilarli samaradorlik o‘sishiga va ilg‘or SI funksiyalari qo‘llab-quvvatlanishiga erishdi. Gadjetlar 22 oktyabrda sotuvga chiqadi.

Kompaniyaning eng kuchli plansheti iPad Pro endi M5 chipida ishlaydi va sun’iy intellekt bilan ishlashda o‘tgan yilgi modelga nisbatan 3,5 baravar samaraliroq bo‘ladi.

Planshet yangi protsessorga qo‘shimcha ravishda, tezkor xotira, yaxshilangan simsiz modullar va 30 daqiqada 50 foizgacha tezkor quvvatlanish imkoniyatiga ega bo‘ldi. Narxlar 11 dyuymli versiyasi uchun 1000 dollardan, 13 dyuymlisi uchun esa 1300 dollardan boshlanadi.

Vision Pro garniturasi ham yangilanishsiz qolmadi. U ham M5 chipiga o‘tdi, ma’lumotlarni qayta ishlash va tasvirni renderlash tezligi 120 Gs bo‘ldi. Raqamli avatar va fazoviy suratlarni yaratish kabi sun’iy intellekt funksiyalari 50 foiz tezroq ishlaydi. Avtonomlik yarim soatga oshib, umumiy foydalanish 2,5 soatni tashkil etdi. Garnitura bilan birga yangi Dual Knit Band - tarangligi sozlanadigan takomillashtirilgan tasma ham taqdim etildi.

M5 chipli 14 dyuymli MacBook Pro sun’iy intellekt masalalarida 3,5 baravar tezlashdi va ko‘p oqimli rejimda 20 foizga kuchliroq bo‘ldi.

Xotira sig‘imi 120 Gb/s dan 156 Gb/s gacha oshirildi, shuningdek, qurilma endi 24 soatgacha avtonom ishlashi mumkin. Tashqi ko‘rinishidan noutbuk o‘zgarmadi, lekin 4 TB gacha bo‘lgan xotira variantiga ega bo‘ldi. Asosiy konfiguratsiya 1600 dollarga baholanmoqda.