Hafta davomida quruq ob-havo bo‘lishi kutilmoqda

Bu hafta O‘zbekiston bo‘ylab quruq ob-havo kuzatilishi, tuman tushishi kutilmoqda. Harorat kechalari 0…–5, shimolda –6…–8 darajagacha pasayadi, kunduz kunlari +6…+12 daraja atrofida bo‘ladi.

Foto: Kun.uz

Yangi yilning birinchi ish haftasida O‘zbekistonning barcha hududlari bo‘yicha quruq ob-havo bo‘lishi kutilmoqda, deya xabar berdi O‘zgidromet.

Havo harorati kechalari 0…–5 daraja atrofida, shimolda –6…–8 darajagacha, kunduz kunlari 5–8 yanvarda +6…+9 daraja, 9 yanvarda +9…+12 daraja bo‘ladi.

Ba’zi joylarga tuman tushadi. Shamol sharqdan birozdan o‘rtacha tezlikkacha esadi.

Toshkent shahrida yog‘ingarchilik kutilmaydi. Kechasi va ertalab tuman tushishi mumkin.

Shamol sharqdan 3–8 metr/soniya tezlikda esadi. Harorat asosan kechalari 0…–2 daraja, kunduz kunlari 5–8 yanvarda +7…+9 daraja, 9 yanvarda +10…+12 daraja bo‘ladi.