Qoʻshimcha funksionallar
-
Tungi ko‘rinish
Nobel Pharmsanoat Yevropaga ilk dori vositasi
O‘zbekiston farmatsevtika sanoati Yevropa Ittifoqi bozoriga yo‘nalgan aniq qadam tashladi. Nobel Pharmsanoat Yevropa Ittifoqi a’zosi bo‘lgan Bolgariyaga ilk dori vositasi eksportini amalga oshirib, O‘zbekistonda Yevropa standartlarigamos ishlab chiqarish mumkinligini xalqaro miqyosda namoyon etdi.
Foto: Nobel Pharmsanoat
Mazkur eksport sifat, xavfsizlik va talablarga muvofiqlik sohalarida yillar davomida olib borilgan puxta va izchil ishlarning tabiiy natijasidir. NobelPharmsanoat bu qadami bilan nafaqat yangi bozorga chiqishni, balki O‘zbekistondan Yevropaga yo‘nalgan eksport salohiyatining muhim qismiga aylanishni maqsad qilgan.
Yevropa Ittifoqi standartlariga muvofiqlikning tabiiy natijasi
Yevropa Ittifoqi farmatsevtika sohasida dunyodagi eng yuqori sifat va nazorat standartlariga ega bozorlardan biri sifatida tan olinadi. Nobel Pharmsanoatning Bolgariyaga amalga oshirgan ushbu eksporti O‘zbekistonda xalqaro standartlargamos ishlab chiqarish yondashuvi amalda o‘z tasdig‘ini topayotganini ko‘rsatuvchi muhim voqea sifatida baholanmoqda.
Kompaniya vakillari bu jarayon qisqa muddatli tijoriy qadam emas, balki uzoq yillik sifat va muvofiqlik yo‘lidagi izchil sa’y-harakatlar samarasi ekanini ta’kidlashmoqda.
“Bu eksport O‘zbekistonda Yevropa Ittifoqi standartlariga mos ishlab chiqarish yondashuvimizning ifodasidir. Biz bu bosqichni manzil emas, balki uzoq yo‘lning boshlanishi deb bilamiz va uni barqaror tarzda rivojlantirishni ko‘zlayapmiz. Nobel Pharmsanoatning ushbu eksporti O‘zbekiston ishlab chiqarishiga bo‘lgan ishonchni oshirmoqda”.
Birinchi qadam, ammo davomi bo‘ladi
Nobel Pharmsanoat ma’lumotiga ko‘ra, Bolgariyaga amalga oshirilgan ushbu ilk eksport
– Yevropa bozoriga taqdim etiladigan yangi mahsulotlar,
– Yevropa Ittifoqining turli mamlakatlari bilan yo‘lga qo‘yiladigan hamkorliklar,
– O‘zbekistondagi ishlab chiqarish infratuzilmasini xalqaro bozorlarga yo‘naltirilgan holda mustahkamlash kabi uzoq muddatli maqsadlar uchun poydevor yaratadi.
Kompaniya O‘zbekistonda xalqaro standartlarga mos, ishonchli dori vositalarini ishlab chiqarishni davom ettirishni va ushbu ishlab chiqarish quvvatini, avvalo Yevropa bozoriga, shuningdek boshqa mintaqalarga olib chiqishni maqsad qilgan. Ushbu eksport orqali O‘zbekistonda ishlab chiqarilgan mahsulotlarga bo‘lgan ishonchni oshirish va mamlakat iqtisodiyotiga hissa qo‘shish ko‘zda tutilmoqda.
Reklama huquqi asosida
