Mashhur aktyor Chak Norris vafot etdi

U 40dan ortiq film va seriallarda suratga tushgan bo‘lib, “Jasur Uoker: Texascha adolat” seriali va mashhur aktyor Bryus Lining "Ajdarho yo‘li" filmida ijro etgan roli orqali tanilgandi.

Foto: AP

Amerikalik mashhur aktyor va jangovar san’at ustasi Chak Norris 86 yoshida vafot etdi. Bu haqda Variety xabar bermoqda.

Xabar qilinishicha, u payshanba kuni Havayidagi shifoxonaga yotqizilgan va ertasi kuni vafot etgan.

Chak Norris 10 mart kuni tug‘ilgan kunini nishonlagandi.

U 40dan ortiq film va seriallarda suratga tushgan bo‘lib, kino muxlislariga “Jasur Uoker: Texascha adolat” seriali va mashhur aktyor Bryus Li bilan Kolizeyda jang sahnasi bilan yodda qolgan “Ajdarho yo‘li” filmi orqali tanilgan.

Chak Norris dzyudoda qora belbog‘ sohibi, Braziliya jiu-jitsusida 3-darajali qora belbog‘, karateda 5-darajali qora belbog‘, taekvondoda 8-darajali qora belbog‘, tang su doda 9-darajali qora belbog‘ va chun kuk doda 10-darajali qora belbog‘ sohibi bo‘lgan. U 1968 yilda karate bo‘yicha jahon chempioni bo‘lgan va ushbu unvonni olti marta himoya qilgan.