Saida Mirziyoyeva Toyloqda aholi ichimlik suvi bilan ta’minlanganlik darajasini o‘rgandi

Ma’lumotga ko‘ra, Toyloq tumanida jami 231,1 ming nafar aholi istiqomat qilib, 197,5 ming nafar aholi (85,5 markazlashgan ichimlik suvi bilan ta’minlangan.

Toyloqning suv ta’minoti tizimidagi asosiy muammo — ba’zi mahallalarda aholi markazlashgan ichimlik suvi bilan ta’minlanmagan. 

Tumandagi Bog‘ichinor MFY aholisi ichimlik suvini qo‘lbola pishkak (kachalka)lardan, quduqlardan olishadi va qo‘shni qishloqlardan tashib ichishga majbur bo‘lmoqda.

Hudud aholisini ichimlik suvi bilan ta’minlovchi “Bog‘ichinor” suv inshooti 2002 yilda qurilgan bo‘lib, texnik davriy muddatini o‘tab bo‘lgan va inshoot hozirda yaroqsiz holga kelib qolganligi sababli hudud aholisiga sutkada 4 soatgina ichimlik suvi yetkazib bermoqda.

Ushbu muammo yangi loyiha doirasida tizimli hal etiladi.

Suv inshooti rekonstruksiya qilinadi va 8,5 km suv tarmog‘i tortiladi. Loyihani amalga oshirish natijasida 3,3 ming nafar aholi ilk bor markazlashgan ichimlik suvi bilan ta’minlanadi.