«Ўзавтосаноат» АЖ айрим давлат ташкилотларига имтиёзли равишда Оnix автомобилини харид қилиш таклифи билан чиққан. Хусусан, Адлия вазирлигига юборилган хатда тизимда ишлайдиган ходимлар автомобил қийматининг 50 фоизини тўлаган тақдирда қолган қисмини 24 ой давомида бўлиб-бўлиб тўлаши мумкинлиги айтилган.
Маълумот учун, 2022 йилнинг 1 ноябридан UzAuto Motors Onix учун шартнома беришни бошлаганди. Аммо компаниянинг ушбу модели кутилган даражада омадли чиқмади. Бунга Onixʼнинг ваъда қилинганидан анча қиммат нархларда сотила бошлагани асосий сабаблардан бири бўлиши мумкин. Хусусан, автомобил 9-12 минг доллар оралиғида сотувга чиқарилиши айтилганди.
Аввалроқ, UzAuto Motors Onix учун 15 млн сўмлик чегирма эълон қилгани ҳам хабар берилганди.
