«Asaka» bank bosh ofisida «Jonajon O‘zbekistonim, mangu bo‘l omon!» shiori ostida bank xodimlari farzandlari uchun bayram tadbiri uyushtirildi

Eng ulug‘, eng aziz ayyom – Davlatimiz mustaqilligining 28 yilligiga bag‘ishlab «Asaka» bank bosh ofisida o‘tkazilgan bayram tadbiri yoshlarni ona Vatanga sadoqat, mehr-oqibat ruhida tarbiyalash, mustaqillik to‘g‘risida kengroq tasavvurga ega bo‘lishini ta'minlash, bilim va ko‘nikmalarini yanada oshirish va kitobxonlikka chorlash maqsadida tashkil etildi.

Bayramda ertak qahramonlarining sahnaga chiqishi, «Kim chaqqon-u, kim epchil» sport o‘yinlari, «Vatanim – ranglar jilosida» rasmlar tanlovi, mantiqiy fikrlash kabi bir-biridan qiziqarli dasturlar bolajonlar qalbiga olam-olam quvonch ulashdi.

– Zumradoy va Bilmasvoy bilan raqsga tushdik, – deydi tadbirning yosh ishtirokchilaridan biri Ibodullo Qoriyev. – O‘rtoqlarim bilan yugurish, sakrash va yana boshqa shartlar bo‘yicha musobaqalashdik. Dadamning ishxonasi hammamizga sovg‘a berdi. Judayam xursand bo‘ldim.

Tadbir so‘ngida bank rahbariyati tomonidan bolajonlarga o‘quv-qurollari, turli janrdagi kitoblar jamlanmasidan iborat sovg‘a berildi.

Bayram kuy-qo‘shiq va qiziqarli o‘yinlarga ulanib ketdi.

«Asaka» bank – Sizning biznes faoliyatingizdagi ishonchli hamkoringiz!

Murojaat uchun telefon: (+99871) 200-55-22

Veb-sayt: www.asakabank.uz

Telegram: t.me/bank_asaka

Facebook: fb.com/bankasaka

Instagram: @asaka_bank

Reklama huquqi asosida