17:15 / 22.12.2017
10919

Xitoyda quyosh panellaridan yo‘llar qurilmoqda

O‘tgan yilning sentabrida Qilu Transportation Development Group kompaniyasi Tszinan shahrida ilk quyosh panellaridan yo‘l loyihasi qurilishini tugalladi. 10 oy davom etgan qurilish davomida yo‘llar 660 kvadrat metr quyosh batareyalari bilan jihozlandi. Electrek shu haqida xabar berdi. 

Hozir "quyosh yo‘li"ning tezkor Tszinan avtomagistralida 1,6 kilometrli ikkinchi loyihasining qurilish bosqichi yakunlandi. 

Yo‘l uch qatlamdan iborat. Ustki qatlam "shaffof beton" ko‘rinishida bo‘lib, u asfaltning tuzilmaviy xususiyatlariga ega innovatsion material hisoblanadi. Ikkinchi qatlam - quyosh panellarining o‘zi. Quyi qatlam quyosh batareyalarini pastdagi nam yerdan himoyalovchi innovatsion materiallardan iborat. 

Foto: Electrek
Foto: Electrek
Foto: Electrek
Foto: Electrek
Foto: Electrek
Foto: Electrek

Yo‘l hatto yirik transport vositalariga ham chidamli, ancha  mustahkam bo‘ladi. Loyiha muhandislarining aytishicha, tez orada ularda elektromobillarni yo‘l-yo‘lakay simsiz zaryadlash funksiyasi joriy qilinadi. 

Foto: Electrek

 

Top