IIVning tegishli buyrug‘i bilan Toshkent viloyati IIBB mintaqaviy muvofiqlashtirish markazlari hamda hududiy ichki ishlar bo‘limiga rahbar tayinlandi.
Viloyat IIBB axborot xizmati xabariga ko‘ra, podpolkovnik Hotam Qodirov Toshkent viloyati Ichki ishlar bosh boshqarmasi boshlig‘ining birinchi mintaqaviy hudud bo‘yicha vakili - markaz boshlig‘i lavozimiga tayinlandi.
Tayinlovga qadar H. Qodirov Ichki ishlar bosh boshqarmasi boshlig‘ining ikkinchi mintaqaviy hudud bo‘yicha vakili - markaz boshlig‘i lavozimida xizmat qilgan.
Polkovnik Nizom Xubbimov Toshkent viloyati Ichki ishlar bosh boshqarmasi boshlig‘ining ikkinchi mintaqaviy hudud bo‘yicha vakili - markaz boshlig‘i lavozimiga tayinlandi.
Tayinlovga qadar N. Xubbimov Ichki ishlar bosh boshqarmasi boshlig‘ining uchinchi mintaqaviy hudud bo‘yicha vakili - markaz boshlig‘i lavozimida xizmat qilgan.
Polkovnik Otabek G‘anibekov Toshkent viloyati Ichki ishlar bosh boshqarmasi boshlig‘ining uchinchi mintaqaviy hudud bo‘yicha vakili - markaz boshlig‘i lavozimiga tayinlandi.
Tayinlovga qadar O. G‘anibekov Bo‘ka tumani IIB boshlig‘i lavozimida xizmat qilgan.
Podpolkovnik Jahongir Hidoyatov Bo‘ka tumani ichki ishlar bo‘limi boshlig‘i lavozimiga tayinlandi.
Tayinlovga qadar J. Hidoyatov Oqqo‘rg‘on tumani IIB boshlig‘i lavozimida xizmat qilgan.
Avvalroq, Anvar Parpiyev Oqqo‘rg‘on tumani IIB boshlig‘i etib tayinlangandi.