Indoneziyaning Bali oroli yaqinida bortida 56 kishi bo‘lgan kema cho‘kib ketdi. Buning oqibatida 6 kishi halok bo‘ldi.
Antara axborot agentligining xabar berishicha, halok bo‘lganlar jasadlari ekspertiza o‘tkazish uchun davlat shifoxonasiga jo‘natilgan.
Mahalliy politsiya boshlig‘ining ta'kidlashicha, kemada 41 yo‘lovchi va ekipajning 15 a'zosi bo‘lgan. Baxsiz hodisa mahalliy vaqt bilan soat 19:06da Bali bo‘g‘ozida yuz bergan.
Indoneziya transport departamenti ma'lumotlariga ko‘ra, voqea joyidan 44 kishi evakuatsiya qilingan.
Jasa Raharja sug‘urta kompaniyasi jabrlanuvchilarga kompensatsiya to‘lashini ma'lum qilgan. Indoneziya qonunlariga ko‘ra, halokat qurbonlari merosxo‘rlari 50 mln (3,5 ming dollar), jabrlanuvchilar esa 20 mln Indoneziya rupiysi olishlari kerak.
