10:01 / 06.05.2017
6802
Dunyodagi eng keksa Olimpiya chempioni hayotdan ko‘z yumdi

Olimpiya medalining eng keksa sohibi va afsonaviy amerikalik suzuvchi Adolf Kifer 98 yoshida hayot bilan vidolashdi, deb xabar qilmoqda Reyter agentligi.

Foto:  Reuters

"Adolf Kifer suzish sporti timsoli edi va hayotida har kuni u bilan yashadi. U mazkur sport turining kashshofi edi", — deya AQSh suzish federatsiyasi ijrochi direktori Mayk Anjyer so‘zlarini keltiradi agentlik. 

Adolf Kifer 1936 yili Berlinda bo‘lib o‘tgan Olimpiya o‘yinlarida 17 yoshida oltin medalni qo‘lga kiritgan edi. U 100 metrga suzish bo‘yicha jahon rekordini o‘rnatgan bo‘lib, ushbu natijani 20 yil mobaynida hech kim takrorlay olmadi. Keyinchalik u Sport va ovqatlanish bo‘yicha maslahatchi bo‘lib ishladi. Bundan tashqari, Amerika harbiy-dengiz kuchlarida instruktor ham bo‘lgan. 

Top