O‘zbekiston xalqaro TAPH loyihasida ishtirok etadi

O‘zbekiston Prezidenti Shavkat Mirziyoyev Turkmaniston Prezidenti Gurbanguli Berdimuhamedov bilan uchrashuvida O‘zbekistonning Turkmaniston-Afg‘oniston-Pokiston-Hindiston (TAPI) gaz quvuri qurilishi loyihasida ishtirok etish istagini bildirdi.

20 may kuni ikki davlat rahbarlari mazkur masalani Turkmanistonning «Avaza» dam olish maskanida bo‘lib o‘tgan oliy darajadagi muzokaralarda muhokama qilishdi, deb xabar qilmoqda Turkmaniston davlat axborot agentligi. 

Berdimuhamedovning so‘zlariga ko‘ra, o‘zbek tomonining TAPHda ishtirok etishi uchun barcha imkoniyatlar bor. «Biz o‘zbekistonlik hamkasblarimizning yirik qo‘shma loyihalarda ishtirok etishidan xursand bo‘lamiz», – degan Turkmaniston yetakchisi.

U, shuningdek, ulkan uglevodorod zaxiralariga ega Turkmaniston va O‘zbekiston energiya yo‘nalishlarini diversifikatsiya qilishga harakat qilayotganini ta'kidladi.
 
TAPH gaz quvuri yiliga 33 mlrd kub metr gazni o‘tkaza oladi. Umumiy uzunligi 1814 kmni tashkil etuvchi gaz quvuri Turkmanistonning janubidagi Galkinish gaz konidan Hindistonning Fozilka shahrigacha boradi. 

Ayni vaqtda, Turkmaniston o‘z mablag‘lari hisobidan mazkur loyihaning Afg‘onistongacha bo‘lgan 214 km.lik masofasini o‘z hududida barpo qilmoqda.