UYeFA rasmiy sayti xatolik tufayli «Liverpul»ni Chempionlar Ligasi g‘olibi sifatida e'lon qilib yubordi.
Gap shundaki, saytning «Tarix» bo‘limida «Real» va «Liverpul» klublari futbolchilarining surati tushirilgan banner joylashtirildi. Unda «2017/18 mavsumi. G‘olib – «Liverpul» yozuvlari bor.
Yarim finalda «Liverpul» «Roma»dan ustun kelgandi. Inglizlar ikki uchrashuv natijasiga ko‘ra 7:6 hisobida g‘olib bo‘lib (5:2, 2:4), turnir finaliga yo‘l olgan.
«Real» final ostonasida Myunxenning «Bavariya» klubi to‘sig‘idan o‘tdi. Zinedin Zidan jamoasi safardan 2:1 hisobidagi g‘alaba bilan qaytgan, javob uchrashuvi 2:2 hisobidagi durang bilan yakunlangan.
Eslatib o‘tamiz, final o‘yini 26 may kuni Kiyevda «Olimpiyskiy» stadionida o‘tkaziladi.
