Rossiya Federatsiyasining BMTdagi doimiy vakili o‘rinbosari Dmitriy Polyanskiy so‘zlariga ko‘ra, Ukraina Mudofaa vazirligi Kerch bo‘g‘ozidagi voqea bo‘yicha materiallarni maxfiylashtirdi. Bu haqda «RIA Novosti» xabar bermoqda.
Polyanskiyning fikricha, Kerch bo‘g‘ozidagi hodisadan keyin Ukraina «izlarni yo‘qotishga» harakat qilmoqda va shuning uchun tegishli hujjatlarni maxfiylashtirib qo‘ydi. Shuningdek, uning ta'kidlashicha, Ukraina kemalari Kerch bo‘g‘oziga Rossiya hududiy dengizi tomonidan kirgan.
«Aftidan, Kiyev eng boshidan barcha uchta kemaning ekipajini qurbon keltirishni rejalashtirgan, sababi ularga rossiyalik chegarachilarga qarata o‘t ochish vazifasi qo‘yilgandi», - dedi Polyanskiy.
Uning ta'kidlashicha, ukrainalik dengizchilar «sog‘lom fikrlashgani sababli» o‘t ochishmagan.
Eslatib o‘tamiz, avvalroq Rossiya AQSh Ukrainadagi maxfiy operatsiyalar uchun odamlarni jalb qilayotgani haqida ma'lumot bergandi.
