O‘zbekiston va Rossiya fuqarolari Qozog‘istonning Aqmola oblastida qutqarildi.
Qozog‘iston Ichki ishlar vazirligining Favqulodda vaziyatlar bo‘yicha qo‘mitasi ma'lumotlariga ko‘ra, 18 dekabr kuni «Astana – Petropavlovsk» trassasining 195-kilometrida «Sariog‘och – Petropavlovsk» yo‘nalishi bo‘yicha harakatlangan «Setra» rusumli avtobus buzilib qolgani haqida xabar kelib tushgan. Avtobusda O‘zbekistonning 14 nafar va Rossiyaning 2 nafar fuqarosi bo‘lgan, ularni xavfsiz joyga olib ketish talab etilgan.
Birjan sal tumanining qutqaruvchilari va tuman hokimligi xodimlari yordamida odamlar avtobusdan evakuatsiya qilindi va «Gazel» yo‘lovchi avtomobilida Bulandin tumanidagi Makinsk shahri temir yo‘l vokzaliga olib borib qo‘yildi.
Buzilib qolgan avtobus ta'mirlash uchun yaqin oradagi kempingga yetkazilgan.
