Illyustrativ surat
Sankt-Peterburg metrosida Yangi yil kirib kelishiga 2 soat qolganda mast holatdagi erkak metropoliten ishiga xalaqit qildi. Bu haqda “Operativnoye prikritiye” nashri ma'lum qildi.
Mast yo‘lovchi metroning “binafsharang” yo‘nalishida poyezdlar qatnovining 10 daqiqaga to‘xtashiga sababchi bo‘lgan. U “Staraya derevnya” stansiyasida poyezd yo‘li ustiga yotib olgan. Oqibatda qatnov 10 daqiqaga to‘xtab qolgan.
Keyinroq aniqlanishicha, mast erkak 34 yoshli o‘zbekistonlik bo‘lgan. U Peterburgda vaqtinchalik ro‘yxatdan o‘tgani haqidagi hujjatni taqdim qilgan.
Nashr ma'lumotlariga ko‘ra, erkakka nisbatan ma'muriy qoidabuzarlik haqida bayonnoma tuzilgan.
