Xorazm viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo‘limi xodimlari boshqa huquqni muhofaza qiluvchi idora xodimlari bilan hamkorlikda Urganch shahri hududida sifatsiz, qo‘lbola usulda quyilgan paxta yog‘i mahsulotlarining noqonuniy savdosi bilan shug‘ullanib kelayotgan fuqarolarni aniqlash maqsadida tezkor tadbir o‘tkazishdi, deb xabar bermoqda DBQ axborot xizmati.
Ma'lum qilinishicha, Urganch shahrida yashovchi fuqaro R.S o‘ziga tegishli bo‘lgan omborxonada 4750 litr qo‘lbola usulda quyilgan paxta yog‘i mahsulotlarini qayta sotish maqsadida saqlab kelgani aniqlangan.
«Dastlabki hisob kitoblarga ko‘ra mazkur sanitariya-gigiyena talablariga mutlaq javob bermaydigan ombordagi sifatsiz yog‘ning umumiy qiymati 57,5 million so‘mni tashkil qildi. Hozirda mazkur holat yuzasidan bojxona tekshiruvlari davom ettirilmoqda», — deyiladi qo‘mita axborotida.
