Qatnov ta’mirlash ishlari olib borilgani sababli 20 noyabrda to‘xtatilgandi.
30 noyabrdan «Xorazm trolleybus boshqarmasi» korxonasi Urganch-Xiva-Urganch yo‘nalishida trolleybuslar harakatini tikladi.
Transport vazirligi xabariga ko‘ra, harakat yuqori kuchlanishli elektr simlari va transformatorlarida ta’mirlash ishlari olib borilgani sababli 20 noyabrda to‘xtatilgandi.
Hozirda yo‘nalish bo‘ylab 8 ta trolleybus soat 6:45 dan 18:45 gacha harakatlanmoqda.
Urganch va Xiva o‘rtasidagi trolleybus liniyasi mamlakatda trolleybus tizimining yagona liniyasi hisoblanadi.