Dunyoning 3-raqamli eng boy insoni, sarmoyachi Uorren Baffetning Berkshire Hathaway kompaniyasi eng yirik xoldinglaridan biri – Kraft Heinz aksiyalari keskin arzonlashib ketgandan keyin 4,3 mlrd dollar yo‘qotdi. Xolding aksiyalarining qadrsizlanishiga dividendlarning kamayishi va hukumatning unga nisbatan olib borayotgan tergovi haqidagi yangiliklar sabab bo‘lgan.
Aksiyalar 22 fevralda 27 foizga arzonlashib, 34,95 dollarni tashkil qilgan. 2018 yil oxiriga xoldingning 325 mln.tadan ko‘proq aksiyasiga ega bo‘lgan Berkshire uchun ham yo‘qotishlar katta bo‘lgan, deb xabar berdi CNBC telekanali.
