4 avgust kuni Shavkat Mirziyoyev El-Paso, Deyton va Chikago shaharlarida ro‘y bergan fojyeali voqealarda ko‘plab insonlar halok bo‘lgani va jabrlangani munosabati bilan Amerika Qo‘shma Shtatlari Prezidenti Donald Trampga samimiy hamdardlik bildirdi.
Bu haqda O‘zbekiston Respublikasi Prezidentining rasmiy sayti xabar qilmoqda.
Eslatib o‘tamiz, avval Texas shtatining El-Paso shahridagi Walmart savdo majmuasida sodir bo‘lgan otishmada 20 kishi o‘ldirilgan va 26 kishi yaralangan edi. Keyinroq, Ohayo shtatidagi Deyton shahrida qotilning o‘zi doxil o‘n kishi o‘qotar qurol vositasida o‘ldirilgan. Chikagoda noma'lum shaxsning tungi soat 1:20 larda o‘z mashinasi ichidan turib bolalar maydonchasiga qarata o‘q uzgani oqibatida 19 yoshdan 25 yoshgacha bo‘lgan 7 kishi yaralangan.
