FVV haydovchilarga «Qamchiq» dovoni bo‘yicha ogohlantirish bilan chiqdi

Kuz-qish mavsumi kirib kelishi munosabati bilan A-373 «Toshkent-O‘sh» avtomobil yo‘lining «Qamchiq» dovonida ob-havo haroratining keskin pasayishi kuzatilishi (qisqa muddatli yomg‘ir va qor yog‘ishi) mumkin.

Favqulodda vaziyatlar vazirligi yo‘l transport hodisalari bilan bog‘liq favqulodda vaziyatlarning oldini olish maqsadida, dovon hududida harakatlanishdan oldin quyidagi tavsiyalarga e'tibor qaratishni so‘ragan:

avtomobillarning texnik holatini to‘liq ko‘zdan kechirish;

dovon orqali yetarli darajada yoqilg‘i-moylash mahsulotlari bilan harakatlanish;

avtotexnikalarning qish mavsumida harakatlanish uchun maxsus shinalar bilan almashtirish;

haydovchilarimizning «Qamchiq» dovoni orqali harakatlanganda hushyorlikni yanada oshirishlari va yo‘llarda to‘xtab dam olishlari;

viloyatlararo yuk tashish bilan shug‘ullanuvchi tashkilotlar, firmalar, xususiy tadbirkorlar tomonidan haydovchilar bilan profilaktik tadbirlar o‘tkazilishi.

«Qamchiq» dovoni bo‘yicha qo‘shimcha ma'lumotlarni quyidagi telefon raqami orqali olish mumkin:

«Qamchiq» Maxsus qidiruv-qutqaruv boshqarmasi navbatchilik qismi: 95 146-87-08.