Germaniya AQShning Eronga nisbatan «maksimal bosim» o‘tkazish siyosatini yoqlamaydi, dedi GFR tashqi ishlar vazirligi vakili Rayner Broyl.
Eron yadro reaktori
"Biz AQShning Eronga nisbatan "maksimal bosim" o‘tkazish siyosatini yoqlamaymiz, yadroviy kelishuvni saqlab qolish va Eronning majburiyatlarni bajarishga qaytishi ustida ishlashda davom etamiz", - dedi Broyl.
U Eron yadroviy kelishuvi bo‘yicha qo‘shma komissiyaning siyosiy direktorlar darajasidagi yig‘ilishi 6 dekabrda Venada bo‘lib o‘tishini tasdiqladi.
2015 yilda Buyuk Britaniya, Germaniya, Xitoy, Rossiya, AQSh, Fransiya va Eron qo‘shma harakatlar rejasini imzolagandi. Kelishuvga ko‘ra, Eron yadroviy dasturining cheklanishi hisobiga sanksiyalar olib tashlanishi ko‘zda tutilgandi.
2018 yil mayda AQSh ushbu kelishuvdan chiqishini va Eronga nisbatan keskin sanksiyalar tiklanishini e'lon qildi.
