Германия АҚШнинг Эронга нисбатан «максимал босим» ўтказиш сиёсатини ёқламайди, деди ГФР ташқи ишлар вазирлиги вакили Райнер Бройль.
Эрон ядро реактори
"Биз АҚШнинг Эронга нисбатан "максимал босим" ўтказиш сиёсатини ёқламаймиз, ядровий келишувни сақлаб қолиш ва Эроннинг мажбуриятларни бажаришга қайтиши устида ишлашда давом этамиз", - деди Бройль.
У Эрон ядровий келишуви бўйича қўшма комиссиянинг сиёсий директорлар даражасидаги йиғилиши 6 декабрда Венада бўлиб ўтишини тасдиқлади.
2015 йилда Буюк Британия, Германия, Хитой, Россия, АҚШ, Франция ва Эрон қўшма ҳаракатлар режасини имзолаганди. Келишувга кўра, Эрон ядровий дастурининг чекланиши ҳисобига санкциялар олиб ташланиши кўзда тутилганди.
2018 йил майда АҚШ ушбу келишувдан чиқишини ва Эронга нисбатан кескин санкциялар тикланишини эълон қилди.
