02:58 / 13.01.2020
0
48948
Iroqda AQSh harbiylari joylashgan aviabazaga hujum qilindi
Foto: Delo.ua

12 yanvarda Iroq shimolidagi Balad aviabazasiga hujum qilindi. Amerikalik harbiylar joylashgan bazaga hujum vaqtida 4 kishi yaralangan. Bu haqda Reuters axborot agentligi xabar berdi. 

Iroqlik harbiylar bayonotida aytilishicha, bazaga Bag‘doddan 80 km shimoldan “Katyusha” turidagi 8 ta raketa bilan zarba berilgan.

Harbiy manbalarning ma'lum qilishicha, hujum vaqtida iroqlik askarlar yaralangan. Ularning ta'kidlashicha, 7 ta raketa uchish-qo‘nish yo‘lagiga tushgan. Amerikalik harbiylar orasida jabrlanganlar borligi ma'lum qilinmagan.
 
Bayonotda hujum ortida kim turganiga aniqlik kiritilmagan.
 
8 yanvarda Eron qurolli kuchlari “Al-Quds” maxsus bo‘linmasi generali Qosim Sulaymoniyning o‘ldirilishiga javoban amerikalik harbiylar tomonidan Iroqda foydalaniladigan ikkita obekt - Bag‘doddan 160 km uzoqlikda joylashgan Ayn-al-Asad aviabazasi va mamlakat shimolidagi Erbil aeroportiga raketa zarbalari bergan. 

Mavzu
Qosim Sulaymoniyning o‘ldirilishi
Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top