21:48 / 25.01.2020
0
15781
Xitoyda mamlakat bo‘ylab koronavirus tarqalishi tezlashgani ma'lum qilindi

Xitoyda xavfli koronavirus infeksiyasining tarqalish sur'ati tezlashdi, deb ma'lum qildi XXR raisi Si Tszinpin.

"Biz xavfli vaziyatga duch keldik, yangi koronavirusning tarqalishi tezlashmoqda", - deya uning so‘zlaridan iqtibos keltirmoqda Xitoy OAV.

Avvalroq mamlakat hududida 1355ta yangi koronavirus yuqtirish holati qayd etilgani, 41 kishi vafot etgani ma'lum qilingandi.  

Global Times nashrining yozishicha, Xitoyda aholini yangi koronavirusdan himoya qilish bo‘yicha chora-tadbirlar 1 mlrddan ortiq kishini qamrab oladi. Uning ma'lumot berishicha, 22 provinsiya va munitsipalitetda xavfning eng yuqori darajasi e'lon qilingan.

Xitoydan tashqari, Janubiya Koreya, Yaponiya, Tayland, Avstraliya, Fransiya, Malayziya, AQSh, Vetnam va Singapurda virus yuqtirish holati aniqlangan.

Mavzu
Xitoy koronavirusi
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top