23:18 / 31.01.2020
0
14053
Olimlar Xitoy tabobatida qo‘llanuvchi dorini yangi koronavirusga qarshi qo‘llashmoqchi

Shanxay farmakologiya instituti va Uxan virusologiya instituti olimlari Xitoy tabobatida qo‘llanuvchi Shuanghuanglian Koufuye deb nomlanuvchi dori yangi koronavirusni to‘xtata olishini aniqlashdi.

Bu haqda “Sinxua” axborot agentligi xabar berdi

Ta'kidlanishicha, dori tarkibiga yapon shilvisi (buta o‘simlik), Baykal shlemnigi va egik forsaytiya deb nomlanuvchi o‘simliklar kiradi. Xitoy tabobatida bu o‘simliklar isitmani tushirishi, organizmdan toksinlarni chiqarishi, insonni tashqi va ichki tomondan tozalashi ta'kidlanadi. Zamonaviy tadqiqotlarga ko‘ra, Shuanghuanglian Koufuye virusga va bakteriyalarga qarshi xossalarga ega hamda organizmning immun funksiyasini oshiradi.    

2003 yilda Shanxay farmakologiya instituti tadqiqotchilari Shuanghuanglian Koufuye’ning atipik zotiljam bilan kurasha olishini aniqlashgandi. Shundan keyin ular 10 yil davomida vositaning grippning bir qator viruslari (H7N9, H1N1, H5N1), o‘tkir og‘ir respirator sindrom [SARS] va Yaqin Sharq respirator sindromiga [MERS] qarshi kurashdagi samaradorligini o‘rganishni davom ettirishgan. Barcha hollarda vosita virusga qarshi samarali ekanini ko‘rsatgan. 

Hozirda dorining klinik sinovlari o‘tkazilmoqda.

Mavzu
Xitoy koronavirusi
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top