15:17 / 01.04.2020
27690
Gretsiyalik olimlar ob-havoning koronavirus tarqalishiga ta'siri borligini aniqlashdi

Koronavirus issiq mamlakatlarda sekinroq tarqaladi, deyishmoqda tadqiqotchilar

Foto: REUTERS / Alexandros Avramidis

Gretsiyalik olimlar guruhi koronavirus havo harorati past bo‘lgan mamlakatlarda tezroq tarqaladi degan xulosaga keldi. Bu haqda mahalliy "Katimerini" gazetasi yozmoqda.

"Biz harorat kasallik tarqalishiga yaqqol ta'sir ko‘rsatishini aniqladik", - dedi tadqiqot qatnashchisi, pulmonolog, professor Konstantinos Gurgulianis.

Tadqiqot natijalariga ko‘ra, havo harorati 0dan 18 darajagacha bo‘lgan mamlakatlarda kasallikka chalinishning yangi holatlari qayd etilishi ko‘rsatkichi ulardan iliqroq iqlimli mamlakatlarga nisbatan yuqoridir.

Shu bilan birga, tadqiqotchilar "kasallik yuqtirishning yakuniy ko‘rsatkichi virus tarqalishiga qarshi kurashish bo‘yicha amalga oshirilayotgan chora-tadbirlar hamda kasallik yuqtirish holatlarini qayd etish uslublari"ga bog‘liq ekanligini qayd etishdi.

Tadqiqotlarda Fessaliya universiteti qoshidagi pulmonologiya klinikasi mutaxassislari ishtirok etdi.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top