00:50 / 10.04.2020
35250
Samarqandda karantinda bo‘lgan mingdan ortiq odamga uyiga javob berildi

Samarqandda karantinda bo‘lgan yana bir guruh fuqarolarga uyiga ketishga ruxsat berildi. Bu haqda Markaziy harbiy okrug matbuot xizmati Kun.uz`ga xabar qildi.

Foto: Markaziy harbiy okrug matbuot xizmati

1 058 nafar o‘zbekistonliklar Qozog‘istondan poyezdda Samarqandga olib kelingan va xavfsizlik sabab karantinga olingandi. Ular ikki hafta davomida Samarqanddagi harbiy shaharchada joylashgan Qurolli kuchlar kichik mutaxassislar tayyorlash markazida karantinda bo‘lishdi.

14 kun davomida bu 1 058 kishida koronavirus alomatlari aniqlanmadi. Karantinda bo‘lganlarning 72 nafari mahalliy samarqandlik bo‘lgan. Qolganlar respublikaning barcha viloyatlaridan Samarqandga karantinga keltirilgan. Ularning yarmiga yaqini vodiy viloyatlaridan. 952 fuqaro 8 aprel kuni maxsus tashkillashtirilgan avtobuslarda uylariga jo‘natildi.

Foto: Markaziy harbiy okrug matbuot xizmati

9 aprel kuni kechki reys bilan Navoiy, Xorazm hamda Nukus yo‘nalishi bo‘yicha yana 105 nafar fuqaro o‘z uylariga kuzatildi. Samarqand temiryo‘l vokzalidan ular maxsus poyezd bilan jo‘nab ketishdi.

Foto: Markaziy harbiy okrug matbuot xizmati
Foto: Markaziy harbiy okrug matbuot xizmati

Karantin o‘tash davrida fuqarolarning xavfsizligini ta'minlashda Markaziy harbiy okrug bo‘linmalari hamda Qurolli kuchlar kichik mutaxassislarni tayyorlash markazi harbiy xizmatchilari jalb qilingandi.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top