14:40 / 14.06.2020
6120
AQSh prezidenti mamlakat milliy jamoasi o‘yinlarini ortiq tomosha qilmasligini ma'lum qildi

AQSh prezidenti Donald Tramp mamlakat futbol federatsiyasi (USSF) davlat madhiyasi yangrayotganda tiz cho‘kib o‘tirishga ruxsat bergani uchun bundan buyon futbol bo‘yicha AQSh milliy jamoasi o‘yinlarini tomosha qilmasligini e'lon qildi.

Foto: Reuters

«Ularning o‘yinlarini ortiq tomosha qilmayman!», — deya yozgan Tramp «tvitter»dagi rasmiy sahifasida.

AQSh futbol federatsiyasi 11 iyun kuni milliy jamoa o‘yinchilarining davlat madhiyasi yangrayotganda tik turgan holda bo‘lishlari majburiyatini bekor qildi. Ushbu qoida 2017 yilda ayollar futboli bo‘yicha AQSh milliy jamoasi futbolchisi Megan Rapinoning Tailandga qarshi o‘yin oldidan tiz cho‘kib o‘tirganidan keyin joriy etilgandi.

Eslatib o‘tamiz, so‘nggi haftalar davomida AQShda irqiy kamsitish va politsiyachilarning zo‘ravonligiga qarshi norozilik namoyishlari davom etmoqda.

Top