10:14 / 01.07.2020
17532
Magistraturaga hujjatlar qabul qilish boshlandi

Magistratura mutaxassisliklariga o‘qishga kirish uchun hujjatlarni topshirish jarayoni Oliy ta'lim vazirligining rasmiy veb-sayti orqali amalga oshiriladi. 

Foto: Getty Images

Bugun, 2020 yil 1 iyul kuni respublika oliy ta'lim muassasalarining magistratura mutaxassisliklariga qabul qilish uchun hujjatlarni onlayn ro‘yxatdan o‘tkazish jarayoni boshlandi. 

Prezidentning 2020 yil 12 iyundagi PQ-4749-son qaroriga muvofiq, 2020/2021 o‘quv yili uchun davlat OTMning magistratura mutaxassisliklariga o‘qishga kirish uchun hujjatlarni topshirish jarayoni Oliy va o‘rta maxsus ta'lim vazirligining rasmiy veb-sayti orqali amalga oshiriladi. 

Vazirlik xabarida eslatilishicha, magistraturaga qabul Oliy va o‘rta maxsus ta'lim vazirligi tomonidan koronavirus pandemiyasi sharoitidan kelib chiqib, onlayn test o‘tkazish orqali prezident qarori bilan belgilangan davlat granti va to‘lov-kontrakt asosida qabul parametrlariga muvofiq amalga oshiriladi.

Magistraturaga kirish sinovlari tarkibiga (xususan, mutaxassislik fanlari bo‘yicha kirish sinovlari tarkibiga) tegishli mutaxassisliklar sohalarida talabgorlarni ilmiy-pedagogik layoqati (yoki ilm olish qobiliyati)ni aniqlash bo‘yicha test savollari ham kiritiladi.

Mavzu
Abituriyent-2020
20 iyun kuni OTMlarga hujjat qabul qilish boshlandi. Imtihonlar 1 avgust kuni boshlanishi rejalashtirilmoqda.
Barchasi
Top