19:48 / 21.08.2020
9334
Lukashenko Makron va "sariq nimchalilar" o‘rtasida vositachi bo‘lishga tayyorligini aytdi

 Avvalroq Emmanuel Makron Yevroittifoq Belarus hukumati va xalqi o‘rtasida vositachilik qilishga tayyorligini bildirgandi.

Foto: RIA Novosti

Belarus prezidenti Aleksandr Lukashenko Fransiya prezidenti Emmanuel Makron va "sariq nimchalilar" orasidagi muzokaralarda "vositachilik" qilishga tayyorligini aytdi.

Makron avvalroq Yevroittifoq Belarus hukumati va xalqi o‘rtasida vositachilik qilishga tayyorligini bildirgandi.

"Makron Belarusdagi muzokaralarda vositachilik qilmoqchi. Keling, avval men borib, "sariq nimchalilar" va Makron o‘rtasida vositachilik qilay. U yerda, Xudo saqlasin, qanday vaziyat ekanligini – terrorni ham, "sariq nimchalilar"ni ham ko‘rishmayapti", - dedi Lukashenko.

Lukashenko shuningdek, "belarus xalqining buyuk do‘sti", AQSh davlat kotibi Mayk Pompeo respublikadagi vaziyatga nisbatan izohlar bilan "portlaganini" qayd etdi.

"Avval o‘zlarini eplab olishsin. Nega G‘arb qayg‘urmoqda? Nemislar koronavirusni uddalay olmayapti, namoyishlar. Ular nega Belarus haqida o‘ylanishyapti? Bu e'tiborni o‘z muammolaridan boshqa tomonga chalg‘itish uchun qulay vaziyat. Buni ko‘rib turibmiz", - dedi Aleksandr Lukashenko.

Belarusda 9 avgust kuni prezident saylovi bo‘lib o‘tdi. Unda amaldagi davlat rahbari Aleksandr Lukashenko g‘olib bo‘ldi. Muxolifat uning bu g‘alabasini tan olmadi.

Shuningdek, Yevropa ittifoqi ham Belarusdagi saylov natijalarini tan olmasligini ma'lum qildi.

Mavzu
Belarus-2020
2020 yilning 9 avgustida Belarusda prezidentlik saylovlari o‘tkaziladi. 26 yildan buyon mamlakatni boshqarayotgan Lukashenko bu safar ham nomzodini qo‘ygan.
Barchasi
Top