22:04 / 08.09.2020
4072
AQShning terrorchilikka qarshi urushlari sababli 37 mln kishi o‘z uyini tark etgan

AQSh 2001 yil 11 sentyabrdagi teraktdan keyin xalqaro terrorchilikka qarshi e'lon qilgan urushlar sababli turli davlatlarda kamida 37 mln kishi o‘z uyini tark etishga majbur bo‘lgan. Bu haqda Braun universitetining “Urush qiymati” deb nomlangan tadqiqotida ma'lum qilingan. 

Foto: AFP

Gap AQShning Afg‘oniston, Iroq, Liviya, Filippin, Yaman, Pokiston, Somali va Suriya hududidagi katta ko‘lamli operatsiyalari haqida bormoqda. Mali, Niger, Markaziy Afrika Respublikasi, Kongo Demokratik Respublikasi, Burkina-Faso va Kamerundagi operatsiyalar hisobga olinsa, uyini tark etishga majbur bo‘lgan odamlar soni 59 mlngachani tashkil qiladi. Ulardan 25,3 mln nafari keyinchalik uylariga qaytgan. 

“Aholining ko‘chishi muayyan shaxslar, oilalar, shaharlar, posyolkalar, hududlar va butun bir davlatlarga ko‘plab jismoniy, ijtimoiy, hissiy va iqtisodiy zarar yetkazgan”, deyilgan tadqiqotda.

Top