12:45 / 05.12.2020
7697
Oliy sud sudyasi Navoiy viloyati ma'muriy sudi raisi etib tayinlandi

O‘zbekiston prezidentining farmoyishiga muvofiq Akmal Murodov Navoiy viloyati ma'muriy sudi raisi lavozimiga tayinlandi. Bu haqda viloyat hokimligi xabar bermoqda.

Akmal Murodov 2006-2008 yillarda Fuqarolik ishlari bo‘yicha Karmana tumanlararo sudi sudyasi, 2008-2017 yillarda Fuqarolik ishlari bo‘yicha Navoiy viloyati sudining sudyasi, 2017 yildan buyon bugunga qadar O‘zbekiston Oliy sudi sudyasi lavozimlarida faoliyat olib borgan.

Tayinlov munosabati bilan o‘tkazilgan yig‘ilishda O‘zbekiston Oliy sudi raisining birinchi o‘rinbosari Robaxon Mahmudova, Navoiy viloyati hokimi Qobul Tursunov hamda viloyatdagi huquq-tartibot organlarining mas'ul rahbarlari ishtirok etdi, deyiladi xabarda.

Top