11:33 / 26.01.2021
2996
O‘zbekistonda vaksina sinovida qatnashishni istagan ko‘ngillilar soni 10 mingdan oshdi

2021 yil 25 yanvar holatiga ko‘ra, O‘zbekistonda Xitoyning koronavirusga qarshi ZF 2001 vaksinasi sinovida ishtirok etishni istagan ko‘ngillilar soni 10 058 nafarni tashkil etdi. 

Foto: Innovatsion rivojlanish vazirligi

Innovatsion rivojlanish vazirligi xabar berishicha, ulardan 4 447 nafari vaksinaning 1-dozasi bilan va 364 nafari vaksinaning 2-dozasi bilan emlandi. 

Mazkur sinovda yoshi 18dan oshgan, sog‘lom, sinovda ko‘ngilli bo‘lib qatnashish uchun rozilik xatiga imzo chekkan, amal qilish muddati o‘tmagan identifikatsion hujjat taqdim etgan, test protokoli talablarini tushungan va unga mos kelgan, avval COVID-19'ga chalinmagan fuqarolar ishtirok etyapti. 

Avvalroq, O‘zbekistonda koronavirusga qarshi emlash tadbirlari fevral oyi oxirida boshlanishi ma'lum qilingan edi.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top