15:11 / 01.05.2021
676
Uchko‘prikda gazga noqonuniy ulangan ohak sexi aniqlandi

Farg‘ona viloyati Uchko‘prik tumanida noqonuniy yo‘l bilan tabiiy gaz tarmog‘iga ulangan ohak sexi aniqlandi. Bu haqda Prokuratura departamenti axborot xizmati xabar bermoqda. 

Xabarga ko‘ra, Bosh prokuratura huzuridagi departamentning Uchko‘prik tuman bo‘limi tomonidan tergovga qadar tekshiruv o‘tkazilgan. Unda tumanda faoliyat olib borayotgan MChJ rahbari M.T. jamiyatga qarashli ohak sexida qo‘lbola usulda tayyorlangan gaz yondirish moslamasini yuqori bosimli gaz tarmog‘iga noqonuniy ulanib, foydalangani aniqlangan. Oqibatda «Hududgaz Farg‘ona» gaz ta'minoti filialiga 184,8 million so‘m zarar yetkazilgan.

Ta'kidlanishicha, hozirda holat yuzasidan M.T.ga nisbatan Jinoyat kodeksining 185-2-moddasi (Elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qo‘zg‘atilib, tergov harakatlari o‘tkazilmoqda.

Top