07:53 / 10.05.2021
16308

«Zomin» turistik zonasining asosiy faoliyat yo‘nalishlari belgilandi

Foto: Xalq so'zi

Vazirlar Mahkamasi "Zomin" turistik-rekreatsion zonasi faoliyatini tashkil etish chora-tadbirlari to‘g‘risida”gi qarorni qabul qildi.

Hujjat prezidentning 2021 yil 6 apreldagi "Zomin" turistik-rekreatsion zonasini va xalqaro umummavsumiy kurortini tashkil etish chora-tadbirlari to‘g‘risida"gi farmonini amalga oshirish doirasida ishlab chiqilgan.

Qaror bilan quyidagilar tasdiqlandi:

  • "Zomin" turistik-rekreatsion zonasi (turistik zona) chegaralari tavsifi;
  • "Suffa platosi.2 400" xalqaro umummavsumiy kurorti va "O‘riklisoy" turizm majmuasi chegaralari tavsifi;
  • "Zomin" turistik-rekreatsion zonasini rivojlantirish konsepsiyasi;
  • "Zomin" turistik-rekreatsion zonasini rivojlantirish konsepsiyasini amalga oshirish hamda hududda turizm sohasini kompleks rivojlantirish chora-tadbirlari dasturi;
  • "Zomin" turistik-rekreatsion zonasi va unga qadar bo‘lgan hududda yo‘l-transport, muhandislik-kommunikatsiya va ishlab chiqarish infratuzilmasini rivojlantirish dasturi.

Turistik zonaning asosiy vazifalari va faoliyat yo‘nalishlari belgilandi:

  • turistik zonada maxsus funksional va mavsumiy rekreatsion dam olish zonalarini yaratish bo‘yicha loyihalarni amalga oshirish uchun xorijiy va mahalliy investorlar investitsiyalarini jalb qilish;
  • hudud ekomuhiti imkoniyatlarini hisobga olgan holda, o‘ziga xos turistik yo‘nalishlarni tashkil etish;
  • hududda yangi transport infratuzilmasini rivojlantirish;
  • turistlar xavfsizligi qo‘shimcha sharoitlarini yaratish;
  • turistik zona hududida loyihalarni amalga oshirayotgan va faoliyat yuritayotgan tadbirkorlik sub'yektlari hamda investorlar uchun belgilangan alohida bojxona va soliq rejimlarini ta'minlash;
  • energiyaning muqobil va qayta tiklanuvchi manbalarini qo‘llagan holda yangi zamonaviy energiya tejovchi tizimlar va texnologiyalarni joriy qilish;
  • hududda noyob tabiiy obektlar va majmualarni, o‘simliklar va hayvonlar genetik fondini saqlash.

Shuningdek, hujjat bilan "Zomin" turistik-rekreatsion zonasi direksiyasi" DUK tashkil etildi va uning ustavi tasdiqlandi.

Top