11:10 / 24.05.2021
9763
Toshkentda «Spark» haydovchisi YTH qurboni bo‘ldi

Toshkent shahar Ichki ishlar bosh boshqarmasi poytaxtning Bunyodkor ko‘chasida ro‘y bergan YTH haqida rasmiy ma'lumot berdi.

2021 yil 24 may kuni taxminan soat 04:45larda Chilonzor tumani Bunyodkor ko‘chasida (“O‘ztelekom” binosi qarshisida) 1985 yilda tug‘ilgan F.Yu. “Spark” rusumli avtomobilda harakatlanayotib boshqaruvni yo‘qotgan va qarama-qarshi yo‘nalishni ajratib turuvchi to‘singa urilgan. Voqea sabablari o‘rganilmoqda.

YTH natijasida avtomobil haydovchisi tan jarohatlari bilan shifoxonaga olib borilgan, biroq shifokorlar urinishiga qaramasdan vafot etgan.

Mazkur holat yuzasidan Toshkent shahar IIBB Tergov boshqarmasi tomonidan tergovga qadar tekshiruv o‘tkazilmoqda.

Top