Xitoyda qurilish kompaniyalaridan biri 10 qavatli binoni 28 soat 45 daqiqada qurib bitkazdi.
Foto: Broad Group
New Atlas nashrining xabar berishicha, uy Living Building deb nomlangan yig‘iluvchi konstruksiyalar tizimi yordamida qurilgan.
Ushbu tizimning o‘ziga xosligi shundan iboratki, undagi har bir modul transport konteyneri kabi o‘lchamga ega. Buning evaziga ushbu modulni dunyoning istalgan burchagiga yetkazish mumkin.
Modul zanglamas po‘latdan tayyorlangan bo‘lib, unda izolyatsiya, elektr simlari, shamollatish tizimi, oynalar o‘rnatilgan. Binoni yig‘ish uchun bir necha quruvchi va uchta kran talab etilgan.
