Otabek Tursinbekov O‘zbekiston Respublikasining Aqtau shahridagi (Qozog‘iston Respublikasi) bosh konsuli etib tayinlandi.
Tashqi ishlar vazirligi xabariga ko‘ra, O.Tursinbekov 1987 yilda Nukus shahrida tug‘ilgan.
2009-2017 yillarda Qoraqalpog‘iston Respublikasi Tashqi iqtisodiy aloqalar, investitsiyalar va savdo vazirligida turli lavozimlarda faoliyat yuritgan.
2017-2021 yillarda O‘zbekiston Respublikasining Tojikiston Respublikasidagi elchixonasi birinchi kotibi sifatida ishlagan.
Ma'lum qilinishicha, Aqtau shahridagi Bosh konsulxonaning konsullik okrugiga Qozog‘istonning Aqto‘be, Atirau, G‘arbiy Qozog‘iston va Mang‘istau viloyatlari kiradi.
