Aviazarba MQ-9 droni orqali amalga oshirilgani aytilmoqda.
AQSh Suriyada aviazarba yordamida “Al-Qoida” terrorchilik tashkiloti rahbarlaridan birini yo‘q qildi, deb xabar berdi AQSh Qurolli kuchlari markaziy qo‘mondonligi.
“Suriya shimoli-g‘arbida berilgan aviazarba “Al-Qoida”ning yuqori martabali rahbari Abdul Hamid al-Matarni yo‘q qildi”, – deyiladi xabarda.
Ma'lumot berilishicha, aviazarba natijasida tinch aholi orasida qurbonlar bo‘lgani to‘g‘risida ma'lumotlar yo‘q.
Aviazarba MQ-9 droni orqali amalga oshirilgani aytilmoqda.
“Al-Qoida” terrorchilik tashkiloti 1988 yilda Afg‘onistondagi sovet qo‘shinlariga qarshi kurashish maqsadida Usoma bin Lodin tomonidan tashkil etilgan. Sovet qo‘shinlari Afg‘onistondan chiqib ketganidan so‘ng tashkilot o‘z e'tiborini AQShga qarshi kurashishga qaratgan.