АҚШ “Ал-Қоида” раҳбарларидан бири йўқ қилинганини маълум қилди

АҚШ Сурияда авиазарба ёрдамида “Ал-Қоида” террорчилик ташкилоти раҳбарларидан бирини йўқ қилди, деб хабар берди АҚШ Қуролли кучлари марказий қўмондонлиги.

“Сурия шимоли-ғарбида берилган авиазарба “Ал-Қоида”нинг юқори мартабали раҳбари Абдул Ҳамид ал-Матарни йўқ қилди”, – дейилади хабарда.

Маълумот берилишича, авиазарба натижасида тинч аҳоли орасида қурбонлар бўлгани тўғрисида маълумотлар йўқ.

Авиазарба MQ-9 дрони орқали амалга оширилгани айтилмоқда.

“Ал-Қоида” террорчилик ташкилоти 1988 йилда Афғонистондаги совет қўшинларига қарши курашиш мақсадида Усома бин Лодин томонидан ташкил этилган. Совет қўшинлари Афғонистондан чиқиб кетганидан сўнг ташкилот ўз эътиборини АҚШга қарши курашишга қаратган.