Jizzaxda sodir bo‘lgan yo‘l-transport hodisasida 37 yoshli ayol halok bo‘lgan. Bu haqda viloyat IIB axborot xizmati xabar bermoqda.
Ma’lum qilinishicha, 2022 yil 11 yanvar kuni soat 15:40 larda Mirzacho‘l tumani “G‘alaba” MFYda yashovchi fuqaro Cobalt mashinasi bilan yo‘lni kesib o‘tayotgan piyodani urib yuborgan.
Oqibatda “G‘alaba” MFYda yashovchi 1984 yilda tug‘ilgan ayol og‘ir tan jarohatlari olib voqea joyida vafot etgan.
Qayd etilishicha, holat yuzasidan jinoyat ishi qo‘zg‘atilgan. Hozirda surishtiruv harakatlari olib borilmoqda.
