COVAX dasturi doirasida O‘zbekistonga yana 310 050 doza Pfizer vaksinasi olib kelindi. Mazkur turdagi vaksinalarning umumiy miqdori 2,6 mln dozaga yetdi.
Foto: Sog‘liqni saqlash vazirligi
SSV O‘zbekistonga keltirilgan va ishlab chiqarilgan vaksinalar miqdori qariyb 50 million dozaga yetgani haqida xabar qildi.
«Bugun yurtimizga 310 050 doza Pfizer/BioNTech vaksinasi olib kelindi. Bu 2022 yil hisobidan keltirilgan ikkinchi partiya vaksinadir», deyiladi xabarda.
Shunday qilib, O‘zbekistonda foydalanilayotgan vaksinalar miqdori 49 846 818 dozani tashkil qilmoqda.
Ulardan:
- 2 404 480 dozasi AstraZeneca;
- 37 789 938 dozasi ZF-UZ-VAC2001;
- 1 341 790 dozasi «Sputnik V»;
- 3 500 460 dozasi Moderna;
- 2 626 650 dozasi Pfizer/BioNTech;
- 1 976 000 dozasi Sinovac;
- 207 500 dozasi Sputnik Light vaksinasidir.
Shundan qariyb 40,6 mln doza vaksina emlash jarayonlarida qo‘llangan.
