09:34 / 04.07.2022
13383
«Bu sinovni og‘ir-bosiqlik, ahillik bilan ortda qoldirish kerak» - Shavkat Mirziyoyev
Foto: Prezident matbuot xizmati

3 iyul kuni Nukus shahrida Jo‘qorg‘i Kengesi deputatlari, Vazirlar Kengashi rahbarlari va jamoatchilik vakillari bilan uchrashuvdan keyin prezident Shavkat Mirziyoyev Nukus tumanidagi «Samanbay» ovul fuqarolar yig‘iniga borib, yoshullilar, hokim yordamchilari, yoshlar yetakchilari va xotin-qizlar faollari bilan uchrashdi.

Shavkat Mirziyoyev Qoraqalpog‘istonda sodir bo‘lgan tashvishli voqealarni butun xalq chuqur dard va iztirob bilan qabul qilgani, bu sinovni og‘ir-bosiqlik, ahillik bilan ortda qoldirish kerakligini ta’kidlagan.

Odamlar buni tasdiqlab, Qoraqalpog‘istonning donishmand eli bundan buyon ham o‘zbek va qoraqalpoq xalqlarining birligiga, og‘izbirchiligiga asoslangan muqaddas qadriyatlarni ko‘z qorachig‘idek asrab-avaylab yashashiga ishonch bildirgan.

Mavzu
Qoraqalpog‘istondagi namoyishlar
1-2 iyul kunlari Qoraqalpog‘iston markazi Nukus shahrida tartibsizliklar kuzatildi. Milliy gvardiya xodimlari bilan to‘qnashuvlarda 200 dan ortiq kishi yaralangan, 18 kishi halok bo‘lgan.
Barchasi
Top