Yevropa kengashi raisi Sharl Mishel O‘zbekiston prezidenti Shavkat Mirziyoyev huzurida "Ko‘ksaroy" qarorgohining Faxriy mehmonlar xiyobonida daraxt ekdi.
Prezident matbuot xizmati xabariga ko‘ra, ushbu ezgu an’ana O‘zbekiston-YeI munosabatlarini yanada chuqurlashtirishga qaratilgan oliy darajadagi muzokaralarning natijalarini mustahkamlaydi.
Bugun oliy martabali mehmon Yevropa Ittifoqi delegatsiyasining O‘zbekistondagi yangi ofisi ochilishida ishtirok etishi, Samarqand shahrining tarixiy-me’moriy obidalari bilan tanishishi ko‘zda tutilgan.
Shu bilan Yevropa kengashi raisi Sharl Mishelning mamlakatga tashrifi yakunlanadi.