Turkish Airlines aviakompaniyasining Istanbul – Bishkek yo‘nalishi bo‘yicha TK344 yo‘lovchi reysi Toshkent xalqaro aeroportiga majburiy qo‘nishni amalga oshirdi.
Foto: Uzbekistan Airports
Uzbekistan Airports xabariga ko‘ra, hodisaga qabul qiluvchi aeroportdagi noqulay ob-havo sharoiti – tuman, ko‘rish masofasi 800 metrni tashkil etayotgani sabab bo‘lgan. Ekipaj a’zolari muqobil aerodromga yo‘l olishga qaror qilgan.
Bortida 184 yo‘lovchi bo‘lgan samolyot mahalliy vaqt bilan soat 09:42 da qo‘nishni amalga oshirdi.
Ayni paytda samolyotning belgilangan aeroportga keyingi parvozini amalga oshirish imkoniyati masalasi hal qilinmoqda.
